Məscid Lənkəran rayonunun Nərimanabad qəsəbəsində yerləşir. İbadət evi 1990-cı ildə qəsəbə sakinləri tərəfindən inşa edilib.
İbadətgah düzbucaqlı formaya malikdir və kərpicdən tikilib. Məscidin tağvari formada iki giriş qapısı və yeddi pəncərəsi var. İbadətgahın tavanı fanerdəndir, damı isə ağ dəmir təbəqə ilə örtülüb. Tavan iki taxta sütun üzərində dayanır. Güldəstə formasında günbəz səkkizguşəlidir və dəmir təbəqə ilə işlənib. Günbəzin üstündə ağ dəmir təbəqədən aypara və ulduz rəmzi qoyulub.
Mənbələr:
- Aqşin Mistanlı. Cənub bölgəsinin abidələr ensiklopediyası. Bakı-2020.
- Azərbaycan Respublikası məscidlərinin ensiklopediyası. Bakı-2001.
