Məscid Bakının Türkan qəsəbəsində, Əbülqasım Firdovsi küçəsində yerləşir. İbadət evi hicri-qəməri təqvimi ilə 1322-ci (1904) ildə inşa edilib. Bu tarix ibadətgahın giriş qapısının üstündəki kitabədə fars dilində həkk olunub.
Məscid iki hissədən ibarətdir: qadınlar və kişilər şöbəsi. İbadət evinin döşəməsi betondur. İbadətgahın günbəzinin diametri 5 metrdir və onun dörd pəncərəsi var. Günbəz və tavan sütunlar üzərində dayanır. Sütunlar tağlarla bir-birinə bitişib. Məscidin minbəri altıpilləlidir və taxtadan hazırlanıb. İbadət evinin mehrabı yonulmuş daşdan hazırlanıb.
Türkan qəsəbəsi İmam Hüseyn məscidi yerli əhəmiyyətli abidə hesab edilir.
Mənbələr:
- Azərbaycan Respublikası məscidlərinin ensiklopediyası. Bakı-2001.
- kataloq.gomap.az
- www.mct.gov.az
