Mayın 25-i axşam saatlarında Əfqanıstanın paytaxtı Kabulda Həzrət Zəkəriyyə məscidində partlayış baş verib. Bu barədə Shia News xəbər verib.

Partlayış nəticəsində şəhid olunanların və yaralananların sayı 30-dan çox qeydə alınıb.

Həmin axşam Əfqanıstanın Bəlx vilayətinin mərkəzi Məzari-Şərif şəhərinin beşinci rayonunda ən azı daha üç partlayış baş verib.

Əl-Cəzirə telekanalının verdiyi məlumata görə, partlayışlar nəticəsində 22 nəfər şəhid olub, 32 nəfərsə yaralanıb.

Tasnim Xəbər Agentliyi bildirib ki, İŞİD partlayışlara görə məsuliyyəti öz üzərinə götürüb.