Yəməndə məhkəmə hicabsız şəkil çəkdirən modelə həbs cəzası verib. Bu barədə noyabrın 9-u BBC xəbər verib.

Verilən məlumata əsasən, 20 yaşlı İntisar əl-Hammadi 5 il müddətində azadlıqdan məhrum edilib.

Modelin vəkili bildirib ki, xanım bu ilin fevral ayından bəri zorakılığa və irqçi hücumlara məruz qalıb. Prokurorluq əl-Hammadini təhdid edərək onu narkotikdən istifadə və fahişəlik etməsi haqda yazılı etirafı imzalamağa məcbur edib.

İntisar əl-Hammadi 2020-ci ilin fevral ayında hicabsız halda fotosessiyaya görə saxlanılıb.

Daha öncə, 2016-cı ildə Səudiyyə Ərəbistanında küçədə hicabsız şəkil çəkdirib sosial şəbəkələrdə paylaşan qadını həbs edilib. Həmin qadın naməhrəm kişi ilə əlaqədə olduğuna görə də günahkar bilinib.